தகவல்மலர்

ஒரு முக்கிய விடயம்

2012-01-03T01:38:00.000-08:00

அன்புமிகு நண்பர்களுக்கு வணக்கம். ஒரு முக்கிய விடயத்தை உங்களுக்குத் தெரியப்படுத்தவே இந்த இடுகை.
பதிவர்களுக்காக பதிவர்களின் படைப்புகளை தாங்கி வெளிவந்த பதிவர் தென்றல் இதழ் போதிய விளம்பரம் கிடைக்காத காரணத்தால் நிறுத்தப்பட்டுவிட்டது என்பதை இதன்மூலம் தெரிவித்துக் கொள்கிறேன். ஆர்வத்துடன் சந்தா அனுப்பிய அனைவருக்கும் நன்றி. சந்தா தொகை விரைவில் திருப்பி அனுப்பி வைக்கப்படும். மீண்டும் சந்திப்போம். நன்றி.
அனைவருக்கும் இனிய ஆங்கில புத்தாண்டு நல் வாழ்த்துகள். ரொம்ப தாமதமாக சொல்வதற்கு மன்னிக்கவும்.

அக்டோபர் மாத பதிவர் தென்றல் + தீபாவளி வாழ்த்துகள்!

2011-10-24T04:28:00.000-07:00

கோவி.கண்ணன் http://govikannan.blogspot.com
கணேஷ் minnalvarigal.blogspot.com
மதுரை சொக்கன் http://shravanan.blogspot.com
ரியாஸ் http://riyasdreams.blogspot.com
வேலன்ஜி http://velang.blogspot.com
குரு. பழ.மாதேசு http://kavithaimathesu.blogspot.com
தங்கவேல்
http://thangavelmanickadevar.blogspot.com
பிளாக்கர் நண்பன் http://bloggernanban.blogspot.com
கணேசமூர்த்தி http://ganeshmoorthyj.blogspot.com/
கோகுல் http://gokulmanathil.blogspot.com
நெல்லைகவி எஸ்.ஏ. சரவணகுமார் http://nellaikavisasaravanakumar.blogspot.com
வத்திராயிருப்பு கவுதமன் http://watrapgauthaman.blogspot.com
சிவகாசிக்காரன் http://sivakaasikaaran.blogspot.com
ருக்மணி பாட்டி http://chuttikadhai.blogspot.com
ராஜபாட்டை ராஜா http://rajamelaiyur.blogspot.com
ஆர்.எஸ்.நாதன் rs-nathan.blogspot.com
யாழினி http://yazhinidhu.blogspot.com

www.latestgreetingcards.com

துயில்' நாவல் குறித்த கலந்துரையாடல்

2011-10-10T21:28:00.000-07:00

எஸ். ராமகிருஷ்ணனின் "துயில்' நாவல் குறித்த கலந்துரையாடலுக்கான (8.10.2011 மாலை நேர) நிகழ்ச்சி ஏற்பாடுகளை டிஸ்கவரி புக் பேலஸின் உரிமையாளர் திரு.வேடியப்பன் செய்திருந்தார். முனைவர் இராம. குருநாதன் அவர்கள் தலைமையில் மற்றும் கூத்துப்பட்டறைச் சேர்ந்த தம்பிச்சோழன் சிறப்புரையாற்றுகிறார் என்ற தகவல் கிடைத்தது.

கொஞ்சம் தாமதமாகத்தான் சென்றேன். நான் சென்றபோது தம்பிச்சோழன் நாவல் பற்றி பேசிக்கொண்டிருந்தார். முடியும் தருவாயில் சென்றேன். கூட்டம் அதிகமாகயிருந்ததால் வசதியாக நிற்பதற்கு இடம்தேடுவதற்குள் அவர் பேசிமுடித்திருந்தார். அடுத்து எஸ்.ரா பேசினார். அவர் பேசியதன் முழு விவரத்திற்கு இங்கே சொடுக்கவும். http://www.tv.udanz.com

ரசித்த துளிகளில் என் ஞாபகத்தில் இருந்தவை மட்டும் இங்கே....

துயில் நாவலில் வரும் தெக்கூடு எனும் ஊர் உண்மையில் இல்லவே இல்லையாம். முழுக்க முழுக்க எஸ்.ரா.வின் கற்பனையாம். இதை அவர் குறிப்பிடும்போது அனைவரும் ஆச்சரியமாய் ரசித்தனர்.

துயில்- என்றால் தூக்கம். மனிதனுக்கு தூக்கம் ரொம்ப முக்கியம். அது சரியில்லாததால்தான் பெரும்பாலான குறைபாடுகள் வருகிறது (அதை குறைபாடுகள் என்றுதான் சொல்ல வேண்டும். நோய் என்று கூறக்கூடாது) என்றார். கிராமத்து பிள்ளைகள் எல்லாம் நன்றாக ஓடியாடி விளையாண்டு நன்றாக தூங்கும். ஆனால் நகரத்துப் பிள்ளைகளை பெற்றோர்கள் தூங்கு தூங்கு என்று சொல்- அவர்களே டயர்டாகி தூங்கிவிடுவார்கள். பெற்றோர்கள் தூங்கிவிட்ட பிறகு இதற்கு முழித்திருந்து என்ன செய்யப்போகிறோம் என்று நினைத்து பின்பு குழந்தைகளும் தூங்கிவிடும் என்றார்.

ஒரு மருத்துவமனைக்கு சென்றிருந்தாராம். அந்த மருத்துவ மனையில் வயதான ஒருவருக்கு மருத்துவர் நன்கு விசாரித்துவிட்டு குறிப்பேட்டில் எழுதிவிட்டு சென்றாராம். அவர் சென்றபிறகு எஸ்.ராவிடம் அந்த பெரியவர், "என் மகன்தான் டாக்டர். நல்லா கவனிச்சுக்கிறான். ஆனால் என்னை கையைப் பிடித்து விசாரிக்க மாட்டேங்கிறான்'' என்றவாரு எஸ்.ராவின் கையை பிடித்துக் கொண்டாராம். வயதானவர்கள் வசதி வாய்ப்புகளைவிட தங்களை வாஞ்சையுடன் கவனிக்க வேண்டும் என்று நினைப்பார்கள். அவர்கள் கையை கொஞ்ச நேரம் பிடித்திருந்தாலே அவர்கள் ரொம்பவும் மகிழ்வார்கள் என்றார்.
விஞ்ஞானம் வளர்ந்திருக்கும் இந்நாளில் உலகமே சுருங்கிவிட்டது. ஆனாலும் மருத்துவத்துறையில் மட்டும் தேக்கமடைந்திருப்பதாக வருத்தப்பட்டார். சென்னையில் ஒரு மருத்துவமனையில் சிகிச்சை மேற்கொள்ளும் ஒருவர் வேலை விசயமாக மதுரைக்கு செல்ல நேர்ந்திருக்கும்போது அவருக்கு உடல்நிலை சரியில்லாமல் போய்விட்டால், அங்கிருக்கும் மருத்தவமனையிலும் (சென்னையில் எடுத்ததுபோலவே) அனைத்து டெஸ்ட்டுகளும் எடுக்க சொல்வார்கள். நெட்வொர்க் மூலம் அனைத்து மருத்துவமனைகளும் ஒருங்கிணைக்கப் பட்டிருந்தால் இந்த செலவுகள் மிச்சம்தானே என்றார். அவர்களின் சம்பாத்தியம் போய்விடும் என்பதால் இதை யாரும் செய்வதில்லை என்று வருத்தப்பட்டார்.

முன்பெல்லாம் மருத்துவரின் வீடும் மருத்துவம் செய்யுமிடமும் ஒன்றாக இருந்தது. எப்பொழுது வேண்டுமானாலும் கதவைத் தட்டி சிகிச்சை செய்துகொள்ள முடியும். அந்த காலத்தில் மருத்துவம் என்பது சேவையாக இருந்தது. ஆனால் இப்பொழுது அதை தொழிலாக்கி விட்டதால் மருத்துவமனை என்று தனியே கட்டிவிட்டார்கள். எங்கள் குடும்பமே மருத்துவ குடும்பம்தான். என் சகோதரன் வேட்டி சட்டையில்தான் எப்பொழுதும் இருப்பார். அவர் டாக்டர்தானா என்றுகூட பலரும் சந்தேகிப்பார்கள். மருந்து சீட்டையும் தமிழில்தான் எழுதுவார் என்று கூறினார். ஆச்சரியமும் அதிர்ச்சியும்தான் வந்திருந்தவர்களின் முகத்தில் தெரிந்தது.

சித்தமருத்துவர்கள்கூட தங்களின் தொழில் ரகசியங்களை வெளியில் சொல்வதில்லை. அவர்களின் குழந்தைகளுக்குத்தான் சொல்லிக் கொடுப்பார்கள். அந்தக் குழந்தைகளுக்கு அத்துறையில் ஈடுபாடு இல்லையென்றால் அந்த ரகசியங்கள் அவரோடு அழிந்து போய்விடும். இப்படித்தான் பல ரகசியங்கள் அழிந்துபோய்விட்டதாக வருத்தம் தெரிவித்தார்.

துயில் நாவலில் சில இடங்களில் எழுத்துப்பிழைகள் இருப்பதாக சொன்னபோது-
இருக்கலாம். ஏனெனில் எழுதிய நானே படித்தால் எழுத்துப்பிழைகள் தெரியாது. வெளிநாடுகளில் பிழைதிருத்த என அனைத்து துறைபற்றியும் தெரிந்தவர்கள் இருப்பார்கள். கண்டெட்-டை (உள்ளடக்கம்) திருத்த ஒருவர். பாராகிராப் (பத்தியமைப்பு) பார்ப்பதற்கு ஒருவர் என்றிருப்பார்கள். பின்பு பதிப்பகத்தார் படித்து, மாதிரி காப்பி ரெடி செய்து எழுத்தாளருக்கு அனுப்புவார்கள். எழுத்தாளர் பார்த்துவிட்டு சரி என்றதும்தான் அச்சுக்கு அனுப்புவார்கள் என்றார். ஆனால் தமிழ்நாட்டில் அனைத்து துறை அறிந்த பிழைதிருத்துநர்கள் இல்லை. அதற்கான தேவை இருக்கிறது என்றார்.

பதிவர் தென்றலுக்கு தமிழகமெங்கும் அமைப்பாளர்கள் நியமனம்...

2011-09-30T00:10:00.000-07:00

பதிவர்களுக்காக- பதிவர்களின் படைப்புகளை மட்டுமே தாங்கி வரும் இதழான பதிவர் தென்றல் இதழைப் பற்றி நீங்கள் அறிவீர்கள். பதிவர் தென்றல் எங்கு கிடைக்கும் என்று ஆர்வமுடன் விசாரிக்கும் உங்களின் அன்புக்கு என்ன செய்வது என்று யோசித்தேன்.

தமிழகமெங்கும் இந்த இதழை கொண்டு சேர்க்கும் வகையில் பதிவர் தென்றலுக்கு மாவட்டத்திற்கு ஒரு அமைப்பாளர் என நியமனம் செய்யலாம் என்று தோன்றியது. அந்த அமைப்பாளருக்கு மாதம்தோறும் இதழ் அனுப்பி வைக்கப்படும். சந்தாவும் அவரிடமே செலுத்தலாம். அவர்களிடமிருந்து இதழை நீங்கள் பெற்றுக் கொள்ளலாம்.

இதழில் பதிவர்களின் படைப்புகளையே வெளியிடுவதுபோல் இதழுக்கான அமைப்பாளர்களையும் பதிவர்களே இருந்தால் நன்றாக இருக்குமென்பதும் என் யோசனை. பதிவர்களாக தமிழகமெங்கும் இருக்கும் நண்பர்கள் இந்த யோசனை பிடித்திருந்தால், உங்களுக்கு ஆர்வம் இருந்தால் எனக்கு தெரிவியுங்கள். இதழில் அமைப்பாளர்களின் பெயர்கள் அவர்களின் வலைத்தளத்தின் முகவரியோடு வெளியிடப்படும்.

அடுத்த இதழ்- தீபாவளிக்கு முன்னதாக உங்களுக்கு கிடைக்கும் விதத்தில் தயாரிப்பில் இருக்கிறது. தீபாவளி பற்றி உங்களின் இடுகைகள் (சமையல், வெடி, பாதுகாப்பு, அனுபவம்...) வெளியாகியிருந்தால் அதன் லிங்கை எனக்கு தெரியப்படுத்தவும். பயன்படுத்திக் கொள்கிறேன்.

ஆகஸ்ட் மாத பதிவர் தென்றல் இதழில் இடம்பெற்ற பதிவர்கள்...

செப்டம்பர் மாத பதிவர் தென்றல் இதழில் இடம்பெற்ற பதிவர்கள்...

2011-09-26T02:26:00.000-07:00

அடுத்த பதிவர் தென்றல் மாதஇதழ் வெளிவந்துவிட்டது...
பதிவர்களின் படைப்புகளை மட்டுமே தாங்கி வரும் பதிவர் தென்றல் செப்டம்பர் இதழில் இடம்பெறும் படைப்பாளிகள்...

ஈரோடு கதிர்

கமலா

சிமுலேசன்

சைபர்சிம்மன்

ராஜூ

சசிகுமார்

கேபிள்சங்கர்

சுரேகா

புதுகை தென்றல்

தமிழ்உதயம்

சொல்கேளான் ஏ.வி.கிரி

சண்முகவேல்

என். கணேசன்

இந்திரா

யாழினி

குடந்தை அன்புமணி

உங்கள் படைப்புகளும் இடம்பெற உங்களின் வலைத்தள முகவரியையும், உங்களின் முகவரியையும் எனக்கு மெயில் செய்யுவும்.
இதழுக்கு சந்தா கட்டி ஆதரவு தருக. சந்தா செலுத்துபவர்களுக்கு புத்தகம் அனுப்பி வைக்கப்படும்.

பதிவர் சந்திப்பு

2011-09-15T02:32:00.000-07:00

செப்டம்பர் 4ந்தேதி யூத் பதிவர் சந்திப்பு என்றதும் நிச்சயம் கலந்துகொள்ள வேண்டும் (இல்லேன்னா நான் யூத் இல்லைன்னு நினைச்சிடுவாங்களோன்னு) உடனே முடிவெடுத்தேன். அருமை தங்கமணிக்கிட்ட அனுமதி வாங்கிட்டு (ஞாயிற்றுக்கிழமை ஒருநாள்தான் லீவு. அன்னைக்கும் வீட்டுல உள்ளவங்களோட இல்லேன்னா எப்படி? என்று முணுமுணுத்தவளை தாஜா செய்துவிட்டு) கிளம்பினேன்.
கவுண்டமணி பேன்ஸ் வலைத்தளத்தில் இருந்த விஐபி. நம்பருக்கு போன் செய்து என்னை அறிமுகப்படுத்திக் கொண்டேன். இறக்குமிடம் பற்றி விசாரிப்பு... (அடிக்கடி பதிவர் சந்திப்பு டிஸ்கவரி புக் பேலஸில் நடந்தாலும் நான் கலந்து கொள்வது இது முதல்முறை அதான் முகவரி விசாரிப்பு... காரணம்... அதான் மேலே விரிவா எழுதியிருக்கேனே...)
ஐந்தரை மணியிருக்கும்போது கே. கே. நகரில் இருந்தேன். சற்று நேர தடுமாற்றத்திற்கு பிறகு பாண்டிச்சேரி விருந்தினர் மாளிகை கண்ணில் பட்டது. அருகி-ருந்த டீக்கடையில் நின்றவர்கள் எல்லாரும் பதிவர்களாகவே தெரிந்தார்கள். எல்லாம் பிரமை...
உத்தேசமாக சாலையில் நடந்தேன்... சில அடிதூரம் நடந்த பின்பு கண்டேன்... டிஸ்கவரி புக் பேலஸை. வாசலில் தண்ணீர் பாட்டில்களுடன் (நிச்சயமாங்க அது தண்ணீர் பாட்டில்தான்) இரண்டுபேர் நின்று கொண்டிருந்தார்கள். அவர்களிடம் என்னை அறிமுகம் செய்ய... அவர்கள் சிவகுமார் என்றும் கருண் என்றும் அறிமுகப்படுத்திக் கொண்டார். அவர்களுடன் மாடிக்கு சென்றேன். மாடியில் பிலாசபி பிரபாகரன், தம்பி கூர்மதி, அஞ்சா சிங்கம், நா. மணிவண்ணன் மற்றும் இன்னும் சிலர் பெயர் ஞாபகத்தில் இல்லை. அவர்களனைவருக்கும் பதிவர் தென்றலை அறிமுகப்படுத்தினேன். அவர்களின் முகத்தில் மகிழ்ச்சி பொங்கியது. (பொங்கியது?)
நிகழ்ச்சி நடக்கும் அறைக்குள் சென்றோம். அங்கு ஏற்கெனவே அமர்ந்திருந்த சென்னைப்பித்தன், தமிழ் சிபியூ ராஜ்குமாரை (இருவரையும்தான் பார்த்ததும் அடையாளம் தெரிந்தது. மற்றவர்கள் எல்லாம் தங்களின் பழைய படங்களைத்தான் வலைத்தளத்தில் வெளியிட்டிருக்கிறார்கள். உஷாராக இருங்கள்)
ஒருவரை பார்த்து நீங்கள் யார்? என்று கேட்டேன். சரியாப்போச்சு என்றார். பக்கத்தி-ருப்பவர் அவர்தான் ஷர்புதீன் என்றார். (யூத் பதிவர் சந்திப்பு என்றதும் மீசையெல்லாம் எடுத்துவிட்டு வந்திருந்தார்.) கவிதைவீதி சௌந்தர் பதிவர் தென்றல் நல்லாருக்கு என்றார். கருண் உங்களை எங்கேயோ பார்த்தமாதிரியிருக்கே? என்றார். எங்கே படிச்சீங்க, எந்த கல்லூரி என்று விசாரித்தார். கடைசிவரை எங்கு பார்த்தார் என்று அவருக்கு தெரியவில்லை. எனக்கும் ஞாபகத்தில் இல்லை.
சிறிது நேரத்தில் ஒவ்வொருவராக வர ஆரம்பித்தனர். கேபிள் சங்கர் உள்ளே வந்ததும் ஆட்டம் ஆரம்பித்தது. வந்திருந்தவர்களை எல்லாரையும் திரும்பி பார்த்தேன். எனக்கு தெரிந்த தலைகள் என்று பார்த்தால்... கேபிள் சங்கர், லக்கி, ஜாக்கி சேகர்... மற்றவர்கள் அனைவரும் புதிய முகமாகவே தெரிந்தார்கள்.
டிஸ்கவரி புக் பேலஸ் உரிமையாளர் வந்து பார்த்துவிட்டு சென்றார். அவருக்கும் பதிவர் தென்றல் கொடுத்தேன். பார்த்துவிட்டு நல்லாருக்கே... நம்ம கடை விளம்பரமும் போட்டுடலாம்... போகும்போது என்னைப் பாருங்க... என்றார். (அய்... ஒரே கல்-லே ரெண்டு மாங்கா... பதிவர் சந்திப்பு + விளம்பரம்)
பதிவர்கள் தங்களை அறிமுகப்படுத்திக்கொள்ளும் நிகழ்ச்சி நடந்தேறியது. இந்த பதிவர் சந்திப்பில் சில வாசகர்களும் கலந்துகொண்டார்கள். அவர்களை கேபிளார் அய்... வாசகர்... என்று கலாய்த்துக்கொண்டிருந்தார். அந்த வாசகர் வலைத்தளம் தொடங்க ஆர்வம் வந்துவிட்டதாக சொல்ல... வடை போச்சே... என்றார்.
மாஸ் (நிஜமாலுமே அவர்தான் யூத்... கல்லூரியில் படித்துக்கொண்டிருக்கிறார்) என்பவர் ஜாக்கியின் வலைத்தளம்தான் முதலில் படித்தது, ஜாக்கிதான் எனக்கு முதல் பின்னூட்டம் இட்டது... என்று வார்த்தைக்கு வார்த்தை ஜாக்கி புராணம் பாடினார். இதுக்கு எவ்வளவு செலவாச்சு என்று கேபிளார் கலாய்த்தார்.
ஒவ்வொருவரின் அறிமுகத்துக்கு பிறகு, பதிவர்களுக்கு டிப்ஸ் வழங்க வந்தார் லக்கி. பதிவுகளின் நீளத்தை குறைத்து சுருக்கமாக (யாருக்காக.... இது யாருக்காக....) இடுகையிடவும், தலைப்பை வசீகரமாக வைக்கும்படியும் வற்புறுத்தினார். தலைப்பு வைப்பதில் எழுத்தாளர் சுஜாதாவை பின்பற்றும்படி கூறினார். இடுகையிட எதுவும் தோன்றவில்லை என்று சொல்வதை ஏற்பதற்கில்லை என்றார். செய்தித்தாளை படிங்க அதி-ருந்து உங்களுக்கு தோன்றுவதை எழுதுங்க என்றார். (ஆனா, செய்தித்தாளை காப்பி அடிக்காதீங்க இது நமதுகுரல்)
பின்பு உருப்படாதது நரேன் பேசினார். எதைப்பற்றி வேண்டுமானாலும் எழுதுங்க. எதிர்கருத்தை பற்றி கவலைப்படாமல் எழுதுங்க என்றார். பின்னூட்டத்திற்கு பயந்து பலர் எழுதாமல் இருந்துவிடுவதாக கூறினார்.
வாசகர் ஒருவர் கருத்தான இடுகைகள் இடும் பதிவர்கள் மொக்கைகளையும் இடுகிறார்கள். இதை தவிர்க்கலாம் என்றார். (மொக்கையை தவிர்த்தால் பல பதிவர்கள் காணாமல் போய்விடுவார்களே...)
கேபிளார் அவரின் அனுபவத்தை கூறி கேட்டால் கிடைக்கும் இயக்கம் ஆரம்பித்திருப்பது பற்றி தெரிவித்தார். இது பற்றி பின்பு சுரேகாவும் பகிர்ந்துகொண்டார்.
ஜாக்கியும், சாமிதுரை இன்னும் பலர் தனது அனுபவங்களை பகிர்ந்தனர்.
இந்த பதிவர் சந்திப்பு பற்றி எனது ஞாபகத்தில் உள்ளவற்றை இங்கே பகிர்ந்திருக்கிறேன். மற்றவை நம்ம பிலாசபி பிராபாகரன் வலைத்தளத்தில் வரும் திங்கள் அல்லது செவ்வாய் எதிர்பார்க்கலாம்- போட்டோ வும்தான்! வேறு யாரும் போட்டோ எடுத்திருந்தா எனது மெயிலுக்கு விரைந்து அனுப்பி வையுங்க... பதிவர் தென்ற-ல் வெளியிடலாம்.

பதிவர் தென்றல் மாத இதழ் வெளிவந்துவிட்டது...

2011-08-22T23:09:00.000-07:00

பதிவர் தென்றல் மாதஇதழ் வெளிவந்துவிட்டது...
பதிவர்களின் படைப்புகளை மட்டுமே தாங்கி வரும் பதிவர் தென்றல் முதல் இதழில் இடம்பெறும் படைப்பாளிகள்...
விதூஷ்
லெஷ்மி
வால்பையன்
கோமாளி செல்வா
செல்வராஜ் ஜெகதீசன்
கவிதைவீதி சௌந்தர்
சமுத்ரா
பூங்குழலி
இராஜராஜேஸ்வரி
ஈரோடு தங்கதுரை
அருள்
இவண் பிகில்
மோகன்குமார்
LIC சுந்தரமூர்த்தி
வடிவேலன்.ஆர்.
வாஞ்சூர்
சென்னை பித்தன்
அமுதாகிருஷ்ணன்
வின்சென்ட்

உங்கள் படைப்புகளும் இடம்பெற உங்களின் வலைத்தள முகவரியையும், உங்களின் முகவரியையும் எனக்கு மெயில் செய்யுவும்.
இதழுக்கு சந்தா கட்டி ஆதரவு தருக. சந்தா செலுத்துபவர்களுக்கு புத்தகம் அனுப்பி வைக்கப்படும்.சந்தா தொகையை அனுப்ப விவரங்கள் மெயிலில் தெரிவிக்கப்படும்.

பதிவர்களுக்காக-பதிவரால்...

2011-08-02T22:15:00.000-07:00

ஆகஸ்ட் மாதம் முதல் பதிவர்களுக்காக-
பதிவர்களின் படைப்புகளை தாங்கி-
பதிவரால் (என்னால்) வெளியிடப்படுகிறது பதிவர் தென்றல் மாத இதழ்.
புத்தகம்பெற விருப்பம் உள்ளவர்கள் தங்கள் முகவரியை அஞ்சல் குறியீட்டு எண்ணுடன் எனது மெயிலுக்கு அனுப்பி வையுங்கள்.
தனி இதழ் விலை - ஐந்து மட்டும்.
இரண்டு ஆண்டு கட்டணம் - 120.00 மட்டுமே.
விளம்பரம் செய்ய விரும்புவோரும் தொடர்பு கொள்ளலாம்.
தங்கள் இடுகைகளையும் இதழுக்காக பயன்படுத்திக்கொள்ளலாம் என்று அனுமதி கொடுத்தால் வரும் இதழிகளில் பயன்படுத்திக் கொள்வேன்.
உங்கள் ஆதரவை அன்புடன் எதிர்நோக்குகிறேன்.
நன்றி.

கூகிள் பிளஸில் இணைந்து விட்டீர்களா?

2011-07-25T00:28:00.000-07:00

கூகுள் பிளஸ் பற்றி அறிந்து கொள்ள பலருக்கும் ஆர்வம் உள்ளது. இது பற்றிய செய்திகளை தெரிந்து கொள்ள விருப்பமுள்ளவர்கள் அல்லது அனுபவம் பெற்றவர்கள் தங்கள் கூகுள் பிளஸில் பெற்ற அனுபவங்களை பகிர்ந்து கொள்ளுங்களேன். கீழே இருக்கும் தொடுப்பு உங்களுக்கு பயனுள்ளதாக இருக்குமென எண்ணுகிறேன்.
கூகிள் பிளஸில் இணைந்து விட்டீர்களா?

தேடல் மிகுந்த பதிவரா நீங்கள்?

2011-07-05T00:32:00.001-07:00

வலைப்பதிவர்களும், வலை திரட்டிகளும் திங்கள் முதல் வெள்ளிவரை மிகவும் பரபரப்பாக இருப்பார்கள். சனி மற்றும் ஞாயிறு கிழமைகளில் மிகவும் மந்தமாக இருக்கும். தேடல் மிகுந்த பதிவர்கள் சனி, ஞாயிறு ஆகிய இரண்டு நாட்களை தங்களின் தேடலுக்காக பயன்படுத்திக் கொள்ளலாம்.
என்னதான் வலை திரட்டிகள் இருந்தாலும், புதிய புதிய பதிவர்கள் வந்துகொண்டேயிருக்கிறார்கள். அவர்களை கண்டுபிடிப்பது என்பது அவ்வளவு சுலபமல்ல என்பதே உண்மை. புதிய பதிவர்களையும், நண்பர்களையும் கண்டுபிடிக்க எளிதாக ஒரு வழியிருக்கு. முயற்சித்து பாருங்களேன்.

உங்களின் வலைப்பக்கத்தை தொடக்கி, உங்களின் சுயகுறிப்பு (Profile) பக்கத்தை க்ளிக் செய்யுங்கள். கீழே உள்ள படத்தை பாருங்கள்.

இதுபோல நீங்களும் உங்களுக்கு விருப்பமானவற்றை தங்களின் சுயகுறிப்பு பகுதியில் எழுதியிருப்பீர்கள். உங்களின் விருப்பத்தோடு ஒத்துப்போகும் நண்பர்களை கண்டறிய- உங்களின் விருப்பங்களான- உதாரணத்திற்கு கதை என்றால் அதன்மீது க்ளிக்கினால் உங்களைப்போன்றே கதையை விரும்பும் நபர்களின் பட்டியல் தோன்றும் அந்த வலைத்தளங்களுக்கு சென்று அவர்களை நண்பர்களாக்கிக்கொள்ளுங்கள்.

அல்லது ஆகஸ்ட் மாதம் பதிவர்களின் படைப்புகளை தாங்கி, பதிவர்களுக்காகவே வெளிவரவிருக்கும் பதிவர் தென்றல்
மாதஇதழை படியுங்கள். பல புதிய பதிவர்களை கண்டுகொள்ளலாம்.
விவரங்களுக்கு முந்தைய இடுகையை படியுங்கள்...

காப்பி பேஸ்ட் செய்ய அனுமதி தேவை!

2011-07-03T21:22:00.000-07:00

வலையுலக நண்பர்களே வணக்கம்.

உங்கள் இடுகைகளை காப்பி பேஸ்ட் செய்ய உங்கள் அனுமதி வேண்டியே இவ்விடுகை.

உண்மையாகத்தான்... உங்கள் வலைத் தளங்களில் உள்ள இடுகைகளில் நான் தேர்வு செய்திருக்கும் இடுகைகளை உபயோகப் படுத்திக்கொள்ள உங்கள் அனுமதி தேவை. (அறிவிப்பு விரைவில் வரும்...)

உங்கள் படைப்புகளை தேர்ந்தெடுத்து வெளியிட இருக்கிறேன். அதற்காக உங்கள் ஒவ்வொருவரின் வலைத்தளத்திற்கும் வருகை புரிவேன். உங்கள் வலைத்தளத்தில் வெளியிட்டிருக்கும் கதை, கவிதை, கட்டுரைகள், நகைச்சுவை, சுற்றுலா கட்டுரைகள்,

ஆன்மிக செய்திகள், தாங்கள் வரைந்த ஓவியங்கள், சினிமா விமர்சனங்கள், சினிமா கிசுகிசுக்கள், இன்னும் சுவராசியமான செய்திகள் எதுவுமிருப்பினும்

அத்தனையும் சுடப்பட்டு வெளியிடப்படும்.

நிச்சயமாக உங்கள் பெயர் மற்றும் வலைத்தள முகவரியும் இடம்பெறும். மேலும் விவரங்களுக்கு முந்தைய இடுகையை படிக்க தவறாதீர்கள்.

சிறந்த பதிவர்கள் பட்டியலும், இன்ப அதிர்ச்சியும்...

2011-05-08T00:01:00.000-07:00

வலைத்தளத்தில் எழுதுபவர்கள் பெருகிவிட்டனர். வலைத்தளத்தில் எழுதி வந்த பலர் இன்று பத்திரிகைகளில் எழுதவும் ஆரம்பித்து விட்டார்கள். அந்த அளவுக்கு திறமைசாலிகள் பலர் உலகம் அறியாமல் குடத்திலிட்ட விளக்காய் இருந்திருக்கின்றனர்.

இருந்தாலும் பலர் இன்னமும் வெளிச்சத்துக்கு வராமல்- பரவலாக பலரின் பார்வைக்கு படாமல் வலைத்தளத்தில் எழுதிக் கொண்டிருக்கின்றனர் என்பதும் நிதர்சனமான உண்மை.

கதை, கவிதைகள், கட்டுரைகள், சினிமா விமர்சனங்கள், நகைச்சுவை, அரசியல்... இப்படி சிறப்பாக எழுதுபவர்களின் வலைத்தளத்திற்கு நீங்கள் சென்று படித்ததுண்டா? இவரின் வலைத்தளம் ஏன் பலரின் பார்வை படவில்லை என்று நீங்கள் நினைத்ததுண்டா?

அவர்களின் வலைத்தள முகவரியை இங்கே வரிசையிடுங்கள். ஒருவரே எத்தனை முகவரியை வேண்டுமானாலும் தரலாம். இதில் உங்கள் நண்பர் என்ற வகையில் அல்லாமல் திறமைசாலி என்ற அடிப்படையில் இருக்கட்டும். நீங்கள் தரும் அனைத்து வலைத்தள முகவரிக்கும் நான் சென்று பார்வையிடுவேன்.

சிறப்பான இடுகைகள் இட்டிருக்கும் பதிவர்களுக்கு ஜூலை மாதத்தில் ஒரு இன்ப அதிர்ச்சி காத்திருக்கிறது. அவர்களுக்கு மட்டுமல்ல மற்ற பதிவர்களுக்கும் ஒரு இனிப்பான செய்தியும் காத்திருக்கிறது. அதற்கு நீங்கள் ஜூலை வரை காத்திருக்கத்தான் வேண்டும்.

ஆனால், வலைத்தள முகவரியை தர காத்திருக்க வேண்டாமே...
இந்த இடுகை சம்பந்தமாக கருத்துக்கணிப்பிலும் உங்களுள் கருத்தை பதிவு செய்யுங்கள்.

டிஸ்கி: இந்த செய்தி அனைவரையும் சென்றடைய தமிழ்மணம், இண்ட்லியில் உங்கள் வாக்குகளை மறக்காமல் செலுத்திட அன்புடன் வேண்டுகிறேன்.

இப்படி யாருக்கும் நடந்ததுண்டா?

2010-09-14T01:48:00.000-07:00

உங்களில் யாருக்கும் இப்படி நடந்ததுண்டா என்று தெரியவில்லை. நடந்திருந்தாலும் நடந்திருக்கலாம்.
என்ன நடந்தது? என்று அறிய ஆவலாக இருப்பீர்கள்.
தமிழிஸ் இன்டலியாக மாறினாலும் மாறிற்று புதிய இடுகையை அதில் வெளியிடுவதற்குள் போதும்போதுமென்று ஆகிவிடுகிறது.
இடுகையை புதுப்பிக்க உள் நுழைந்து எல்லாம் செய்தபிறகு, உங்கள் தளத்திலிருந்து புது இடுகை வெளியிட முப்பது நிமிடங்கள் காத்திருக்கவும் என்கிறது.
ஒரு இடுகைக்கும் அடுத்த இடுகைக்கும் இடைவெளி முப்பது நிமிடம் என்பது இன்டலியின் நிபந்தனை. அது எனக்கும் புரியும். ஆனால் எப்போதாவது இடுகையிடும் எனக்கும் அந்த மாதிரி முதல் இடுகையிடும்போதே வருகிறதே என்று புரியாமல் தவித்தேன்.
பிறகு, என் வலைத்தளத்தில் உள்ள இன்டலியின் பட்டையில் உள்ள like? என்பதை க்ளிக் செய்தேன். உடனே இன்டலியின் பக்கம் விரிந்தது. அதில் உள் நுழைந்ததும், அதுவாகவே அனைத்து தகவல்களையும் பூர்த்தி செய்துகொண்டது. பிரிவுகள் என்ன என்பதை பூர்த்தி செய்துவிட்டு, இணைக்க என்பதை க்ளிக் செய்து எளிதாக இணைத்துவிட்டேன்.

2010-ல் வலையுலகிற்கு வந்தவரா நீங்கள்?

2010-07-11T23:14:00.000-07:00

2010-ல் வலையுலகிற்கு வந்தவரா நீங்கள்?

அப்படியானால் உங்களுக்குகாகத்தான் இந்த இடுகை!

புதிது புதிதாக வலைத்தளத்திற்கு வந்து கொண்டே இருக்கிறார்கள். அவர்கள் அனைவரையும் கண்டுபிடிப்பதற்கு சற்று சிரமமாகத்தான் இருக்கிறது. அவர்களின் வலைத்தளத்தை அனைவரும் கண்டுகொள்ள என்ன வழி என்று யோசித்தேன். அவர்களின் அனைவரின் வலைத்தள முகவரியும் ஒரே இடத்தில் கிடைத்தால், அது என்னைப்போன்ற நினைப்பவர்களுக்கு உதவியாக இருக்குமென்பதால் இந்த முடிவுக்கு வந்தேன்... புதிதாக வலைத்தளத்திற்கு வருகை தந்தவர்கள் தங்கள் வலைத்தள முகவரியை இங்கு பதிவு செய்யுங்கள்...!

அதைப் பார்வையிடும் மற்றவர்கள் உங்கள் வலைத்தளத்திற்கு வருகை தருவார்கள்.

என்ன? தயாராகிவிட்டீர்களா?

இந்த யோசனை உங்களுக்கு பிடித்திருந்தால் தமிழ்மணம், தமிழிஷ் இரண்டிலும் வாக்களித்து பலரையும் சென்றடைய செய்யுங்கள். பலரையும் உங்கள் பக்கம் வரவழையுங்கள்!

உங்களின் வலைத்தளம் அனைவரையும் சென்றடைய வாழ்த்துகள்!

தமிழ்மணத்தின் கருவிப்பட்டையை பெற எளிய வழி!

2010-07-07T02:00:00.000-07:00

புதிதாக வலைப்பக்கம் தொடங்குபவர்களுக்கு தங்கள் வலைத்தளத்தினை பிரபலப்படுத்த பல்வேறு திரட்டிகளை பயன்படுத்துவார்கள். பழமையான, பலரையும் பிரபலப்படுத்திய தமிழ்மணம் பற்றியும் பலர் அறிந்திருப்பினும், தமிழ்மணம் கருவிப்பட்டையை இணைக்க சிலருக்கு சிக்கல்கள் நேர்கின்றன. ஜாவா ஸ்கிரிப்டை தேடிப்பிடித்து அதில் அந்த நிரலை இட்டு பெறுவதற்குள் பலருக்கும் பொறுமையே போய்விடும். இதற்கு எளிய வழி ஏதேனும் இருக்காதா? என்று தேடிக் களைப்பவரும் உண்டு. அப்படிப்பட்டவர்களுக்காக ஒரு வசதி இருக்கிறதா என்று தேடிப்பார்த்ததில் எனக்கு கிடைத்த லிங்கை உங்களுடன் பகிர்கிறேன். www.tamilmanam.net/tamilmanam/toolbar/blogger.html இந்த (link) இணைப்பில் சென்று எளிய முறையில் தமிழ்மணத்தின் கருவிப்பட்டையை பெறலாம்!

பாலோவர் விட்ஜெட் (புது வலைப் பதிவர்களுக்கு...)

2010-06-03T00:23:00.000-07:00

புதிய வலைப்பதிவர்கள் சிலருக்கு பாலோவர் விட்ஜெட் அமைப்பதில் சிக்கல் ஏற்படும்போது அவர்கள் கவனிக்க வேண்டியவை...
உங்கள் கூகிள் கணக்கில் நுழைந்து, வலைத்தளத்தை திறக்கவும். பின்பு செட்டிங்ஸ் என்பதை க்ளிக்கவும். அங்கே-
ஃபார்மெட்டிங் என்பதை க்ளிக் செய்யவும். இப்போது விரியும் படிவத்தில் லெங்குவேஜ் என்ற வரிசையில் இங்கிலிஷ் என்று கொடுக்கவும். பின்பு சேவ் செய்க. பின்பு செட்டிங்ஸ் சென்று ஆட் கெஜட்-ல் சென்று பாலோவர் க்ளிக் செய்க. அவ்வளவுதான்.

உங்கள் வலைத்தளம் ' கூகுள் தேடல்' பட்டியலில் வரவில்லையா?

2010-03-01T21:38:00.000-08:00

ஒவ்வொருவரும் வலைத்தளம் ஆரம்பித்த உடன், நமது வலைத்தளமும் பிரபலமாக வேண்டுமென்று நினைப்பார்கள். அப்படி பிரபலமாவதற்கும் பலரையும் சென்றடைவதற்கும் தமிழ்மணம், தமிழிஷ், திரட்டி, தமிழ்வெளி போன்ற பல வழிகள் இருக்கிறது. என்றாலும் கால காலத்திற்கும் நம் வலைத்தளம் பலரையும் சென்றடையும் வழிதான் ' கூகுள் தேடல்'. நீங்கள் கவிதை பற்றிய வலைத்தளம் வைத்திருப்பவர் என்றால், கூகுள் தேடலில் கவிதை என்று கொடுத்தால் உங்கள் வலைத்தளமும் வந்து நிற்கும் என்பதை நீங்களும் அனுபவத்தில் உணர்ந்திருப்பீர்கள்.

புதிதாக வலைத்தளம் ஆரம்பிப்பவர்கள் தங்கள் வலைத்தளம் ஆரம்பித்தவுடன் கூகுளில் மோர் (more) (பார்க்க படம்) என்பதை க்ளிக் செய்து வரும் டயலாக் பாக்ஸில் பிலாக்ஸ் என்பதை க்ளிக் செய்யவும். பின்பு வரும் கூகுள் பிளாக்ஸ் சர்ச் பாக்ஸுக்கு கீழே வட்டமிட்டுக் காண்பிக்கப்பட்டிருப்பதை க்ளிக் செய்யவும்.

இப்போது உங்கள் பிளாக் அட்ரஸை அதில் கொடுத்து சப்மிட் செய்யவும். இனி,உங்கள் வலைத்தளமும் கூகுள் தேடலில் (சர்ச்சில்) இடம் பிடித்திருக்கும்.

என்.எச்.எம். ஆன்லைன் கன்வர்ட்டர் வசதி!

2010-01-27T21:03:00.000-08:00

நம் கணினியில் உள்ள தமிழ் எழுத்துகளில் தட்டச்சு செய்துவிட்டு, அதை யூனிகோடுக்கு மாற்றியே வலைத்தளத்தில் பதிவேற்றுகிறோம். இதற்காக பொங்கு தமிழ், என்.எச்.எம். கன்வர்ட்டர் போன்றவைகளை பதிவிறக்கம் செய்து வைத்திருப்போம். நானும் அப்படித்தான் செய்து வைத்திருந்தேன். என் கணினியை ஃபார்மெட் செய்தபோது அனைத்து இன்ஸ்டால் செய்யப்பட்ட மென் பொருட்களும் அழிந்துவிட்டது. மீண்டும் அனைத்தும் இன்ஸ்ட்ôல் செய்ய முற்பட்டேன். அப்படித்தான் என்.எச்.எம். கன்வர்ட்டரையும் கூகிளில் தேடிக் கொண்டிருக்கும்போதுதான் என்.எச்.எம். கன்வர்ட்டர் வசதியை ஆன் லைனிலேயே செய்துகொள்ளும் வசதியை தந்திருப்பதை அறிந்து கொண்டேன். இனி என்.எச்.எம். கன்வர்ட்டரை யாரும் இன்ஸ்டால் செய்யத் தேவையில்லை. என்.எச்.எம். ஆன்லைன் கன்வர்ட்டர் வசதிகொண்ட பக்கத்தை நாம் புக் மார்க் வசதி செய்து கொண்டால் போதும். தேவைப்படும் சமயத்தில் அந்தப் பகுதியை ஓப்பன் செய்து நாம் தட்டச்சு செய்த பக்கத்தை பேஸ்ட் செய்து கன்வர்ட் பண்ணிக் கொள்ளலாம்.
வீட்டில் இன்டர்நெட் இல்லாதவர்களுக்கு இந்த வசதி மிகவும் கைகொடுக்கும். என்.எச்.எம். ஆன்லைன் கன்வர்ட்டருக்கு செல்ல க்ளிக்கவும்.

கேட்டதும் கொடுப்பவனே கூகுள் கூகுள்!

2010-01-17T03:19:00.000-08:00

நீங்கள் வாசிக்கும் இடுகைகளைப் பற்றி அதற்கான கருத்துகளை உடனே வெளிப்படுத்தி அவ்வலைப்பூ உரிமையாளரை மகிழ்வித்திருப்பீர்கள். சில சமயம் உங்கள் கருத்துகளை வெளிப்படையாக அவருக்கு கருத்திட முடியாத சூழல் அமைந்திருக்கும். அப்போது அவரின் தொலைபேசி எண் தெரிந்தால் நேரிடையாக பேசலாம். அப்படி தொலைபேசி எண்ணும் கிடைக்காத பட்சத்தில் எப்படி உங்கள் கருத்தை தெரிவிப்பீர்கள்?

இதற்கு கூகுள் ஆண்டவர் வழிகாட்டுகிறார்!

நீங்கள் படித்த வலைப்பூவின் கருத்துரைப் பெட்டியின் அடியில் பார்த்தீர்களென்றால்
இப்படி இருக்கும்-

வட்டமிட்டு காட்டப்பட்டிருக்கும் பெட்டியில் டிக் செய்துவிட்டு, தங்கள் வெளிப்படையான கருத்துகளை மட்டும் தெரிவித்துவிடுங்கள். பின்பு உங்கள் மெயில் பக்கம் வந்திடுங்கள். நீங்கள் படித்த வலை பக்கத்தின் உரிமையாளர் உங்களின் கருத்துக்கு பதில் தந்தாரென்றால் அதன் பிரதி உங்கள் மெயிலுக்கு வந்திருக்கும். அதோடு அவரின் மெயில் முகவரியும் உங்களுக்கு கிடைக்கும். இனி, தனிப்பட்ட முறையில் கருத்துகளை தெரிவிக்க தடை ஏது?

இழு நீள் சுட்டி Drop Down Menu

2009-10-29T23:06:00.000-07:00

இதைபோன்ற drop down menu உங்கள் பதிவுகளுக்கும் வேண்டுமா. labels தான் இருக்கே என்றாலும், labels-சை கிளிக் செய்தால் வரிசையாக ஒன்றன் கீழ் ஒன்றாக உங்கள் பதிவுகள் அலுப்பைத் தரக்கூடும். அதற்குப் பதிலாக title/தலைப்பு வாரியாக இப்படி தொகுத்துக் கொண்டால் ஒரு நிலையில் உங்களுக்கே கூட இது பிரயோஜனமாக இருக்கலாம்.

முதலில் உங்கள் பதிவுகளின் title மற்றும் link இரண்டையும் எப்படி சுலபமாக copy செய்வது என்று பார்க்கலாம்.

மேலே படத்தில் காட்டியபடி உங்கள் blog archive-வை அப்படியே select செய்து ஒரு excel worksheet-டில் column A-வில் copy-paste செய்யவும்.
column-B-யில் =getURL(A1) என்ற formula-வை type செய்தால், உங்கள் post-டின் hyperlink மட்டும் தனியாக வந்து விடும். கீழுள்ள அடுத்தடுத்த cell-களில் இந்த formula-வை copy paste செய்யவும்.
இப்போது column-A-வை copy செய்து Column-C-யில் paste special, values ஆக paste செய்யுங்கள். உங்கள் தலைப்பு மட்டும் தனியாக வந்து விடும்.
column D-யில் கீழ்க்கண்டவாறு formula-க்களை நிரப்பவும்.

=CONCATENATE("<#option value="""#,B68,"/"/#>",C68)
இதில் உள்ள #களை நீக்கி விட்டு type செய்யவும். இந்தப் பதிவில் html தகராறு செய்வதால், # include செய்யுமாறு ஆயிற்று. சிரமத்திற்கு வருந்துகிறேன்.

இப்போது column D-யில் இந்த மாதிரி ஒரு code வந்திருக்கும்.
<#option value="http://vidhoosh.blogspot.com/2009/10/blog-post_03.html"/#>மேஜை
(#களை நீக்கிப்பார்க்க)

இப்படி எல்லா posting-களையும் வகைபடுத்திய பின், அதை html code ஆக எப்படி மாற்றுவது. இதற்கும் ஒரு சுலபமான வழி உள்ளது.

உதாரணத்திற்கு உங்கள் வலைப்பூவில் கவிதை மற்றும் கதை என்ற label-கள் இருப்பதாக வைத்துக் கொள்ளலாம். dropdown-னில் முதல் வரியாக இந்த label இருந்தால்தான் உங்கள் கவிதைகளைத் தனியாகவும் கதைகளைத் தனியாகவும், தனித்தனி dropdown ஆக காட்ட முடியும்.

முதலில் ஒரு notepad-டில் இந்த code-டை type செய்யவும். #select#> (# இல்லாமல் type செய்க) notepad-டை மறக்காமல் save செய்யவும். இது dropdown செய் என்பதற்கான கட்டளை ஆகும்.
பின்பு உங்கள் dropdown menu-வின் அகல நீளத்தை உங்கள் sidebar-களின் அளவிற்கு ஏற்ப நிர்ணயம் செய்து கொள்ளுங்கள். அடுத்து இந்த code-டை type செய்யவும்.
<#select onchange="location = '' +(this.options[this.selectedIndex].value);" style="width: 20em;#"> (# இல்லாமல் type செய்க)
இதில் width: 20em என்ற இடத்தில் நீங்கள் அகலத்தை கூட்டியும் குறைத்தும் காட்டலாம்.
அடுத்து வருவது உங்கள் பதிவுகளின் தொகுப்புப் பெயர் உதா: கவிதை என்றால் இப்படி code எழுதவும். <#option value=""http://vidhoosh.blogspot.com/"/#>கவிதை (# இல்லாமல் type செய்க) . இதில் என் blog பெயர் தெரியும் இடத்தில் உங்கள் blog address-சை தரவும். கவிதை என்ற இடத்தில் உங்கள் label இடவும்.
உங்கள் excel worksheet-ட்டில் column-D யில் தெரியும் code-களை மட்டும் copy செய்து notepad-டில் இந்த code-டின் கீழ் paste செய்யவும்.
கொஞ்சம் பொறுமையாக செயல்பட்டால், அதிகக் குழப்பம் இல்லாமல் உங்கள் labelகளையும், பதிவுகளையும் dropdown-ஆக எளிதில் மாற்றலாம்.
உங்கள் notepad-டில் html code இப்போது இவ்வாறு இருக்கும்.

<#/select#>
<#select onchange="location = '' +(this.options[this.selectedIndex].value);" style="width: 20em;"#>
<#option value=""http://vidhoosh.blogspot.com/"/#>கவிதை
<#option value="http://vidhoosh.blogspot.com/2009/10/blog-post_03.html"/#>மேஜை
(#களை நீக்கிப்பார்க்க)

இதன் கீழ் வரிசையாக ஒன்றன் கீழ் ஒன்றாக உங்கள் அனைத்து கவிதைகளின் codeகளையும் paste செய்யுங்கள்.
இதை அப்படியே உங்கள் blog layout ஆப்ஷனில் உள்ள ADD A GADGET-டில் இருக்கும் HTML/JavaScript box-சில் நிரப்பினால் அவ்வளவுதான் உங்கள் dropdown code தயார்.

செய்து பார்த்து அசத்துங்கள். வாழ்த்துக்கள்.

--விதூஷ்.

.

ப்லாக் ஆதர் கமெண்டை எப்படி தனியாக காட்டுவது

2009-10-05T22:25:00.000-07:00

===================================================================

Blog Author / Blog Owner - உங்கள் கமெண்ட்களை

தனியாகத் தெரிய வைக்க வேண்டுமா?
===================================================================
template-டில் எந்த மாற்றமும் செய்யும் முன், உங்கள் பழைய template-டை backup செய்து கொள்ளுங்கள். back up எப்படி செய்வது?

மேலே படத்தில் காட்டியபடி உங்கள் blog முதல் பக்கத்தில் customise என்ற லிங்கை க்ளிக் செய்யுங்கள்.

===================================================================

மேலே படத்தில் காட்டிய பக்கம் வரும்.
edit html என்ற லிங்கை க்ளிக் செய்யுங்கள்.

===================================================================

expand widget templates என்ற checkbox-ஸில் tick செய்யவும்.

===================================================================

download full template என்ற லிங்கை க்ளிக் செய்து
உங்கள் பழைய template-டை backup செய்யவும்.

===================================================================

மேலே படத்தில் காட்டியவாறே, ctrl+f (find) கீக்களை (keys)
ஒரே நேரத்தில் அழுத்தி,

]]></b:skin>

என்ற script-டை தேடுங்கள்.

===================================================================

]]></b:skin>
இந்தக் code-டுக்கு சரி மேலே கீழ்கண்ட script-டை

.author-comments {
background: #cccccc;
border: 2px dotted #e6e6e6;
padding: 5px;
}

copy-paste செய்யுங்கள்.

===================================================================

பிறகு இந்தக் script-டை தேடுங்கள். (find)

<a expr:href='data:comment.authorUrl' rel='nofollow'><data:comment.author/></a>

===================================================================
இந்தக் script-டுக்குப் பிறகு கீழ்க்கண்ட ஐந்து வரிகள் இருக்கும்.
<b:else/>
<data:comment.author/>
</b:if>
said...
</dt>

இந்த ஐந்து வரிகளுக்குக் கீழ், இந்தக் script-டை copy-paste செய்யுங்கள்.

<b:if cond='data:comment.author == data:post.author'>
<dd class='comment-body-author'>
<data:comment.body/>
</dd>

<b:else/>

===================================================================
இதற்கு அடுத்த வரிகள் இவ்வாறு இருக்கும்.

இந்த ஏழு வரிகளுக்குப் பிறகு, இந்தக் script-டை copy-paste செய்யுங்கள்.

</b:if>

===================================================================

template-டை save செய்யுங்கள்.

===================================================================

இப்போது உங்கள் (author) கமெண்ட் தனியாகத் தெரியும்.

===================================================================

comment-டில் background நிறம் மாற்ற வேண்டும் என்றால், நிறங்களின் code அறிய இந்த லிங்கில் பாருங்கள். உங்களுக்கு வேண்டிய நிறங்களின் code-டை மாற்றி அமைத்து உங்கள் விருப்பம் போல வடிவமையுங்கள்.

.comment-body-author {
background: #F5EDE3; /* Background color*/
color: #000000; /* Text color*/

உங்கள் கமெண்ட்டுக்குப் பின்னால் ஏதாவது படம் வர வேண்டும் என்றால் நிறத்துக்கான code-துக்குப் பதில் url-லைக் கொடுக்கவும், இப்படி --

background: url(http://DIRECT_LINK_OF_THE_IMAGE.jpg) ;

=====

.

கூகுள் வழங்கும் தமிழில் செய்திகள்!

2009-09-08T05:07:00.000-07:00

கூகுள் தொகுத்து வழங்கும் அண்மை செய்திகளை, அதுவும் தமிழில் நமது வலைத்தளத்தில் பெற எளிய வழி இது. முதலில் லேவுட் பகுதிக்கு சென்று add gadget -ஐ க்ளிக் செய்க. பார்க்க படம்.

அதில் வட்டமிட்டிருப்பதில் உள்ள + குறியை க்ளிக் செய்க. கீழே காணும் படம் தோன்றும்.
அதில் title என்பதில் செய்திகள் என்று கொடுக்கவும். Search Expression என்பதில் தோன்றும் எழுத்தை அழித்துவிட்டு உங்களுக்கு தேவையான செய்திகளுக்கான தலைப்பை- அதாவது அரசியல், சினிமா, விளையாட்டு, இலக்கியம் என்பது மாதிரி உங்களுக்கு தேவையான தலைப்பை தமிழிலேயே அங்கு டைப் செய்யுங்கள். ஒவ்வொன்றுக்கும் இடையில் கமா (,) இட மறக்காதீர்கள். அதிகபட்சம் மூன்று தலைப்பு இடுங்களேன்.

பின்பு சேவ் செய்திடுங்கள். உங்கள் வலைத்தளத்தில் இப்போது சுடச்சுட செய்திகள் தானியங்கியாக வந்துவிடும்.

அல்லது சம்பத் குமார் தமிழ் வெப் சொல்லியிருப்பது போலவும் செய்யலாம்.

கூகுள் வழங்கும் லேபிள்- அறிந்ததும், அறியாததும்.

2009-08-30T23:30:00.000-07:00

கூகுள் வழங்கும் லேபிள் என்பது நாம் எழுதும் இடுகைகளை ஒரு வரிசைபின் கீழ் (உ.தா- கவிதை, தொழில்நுட்பம், அனுபவம் என்று) வகைப்படுத்தி வைப்பதற்கு உதவுகிறது. புதிதாக நம் வலைத்தளத்திற்கு வருகை தருபவர்கள் லேபிளை பார்த்து, அவர்களுக்கு விருப்பமான தலைப்பை தேர்ந்தெடுத்து படிப்பார்கள் என்பது தெரிந்த விடயம்தான்.

வலைத்தளம் ஆரம்பித்த புதிதில் அதைப் பற்றி தெரியாமல் இடுகைப் பெட்டியில் எனக்குத் தோன்றிய தலைப்பெல்லாம் இட்டுவிட்டேன். பின்பு லேபிளின் பயன்பாடு பற்றி தெரிந்ததும் அந்த கெஜட்டை சேர்த்த பிறகுதான் நான் செய்த தவறுகள் தெரிய ஆரம்பித்தது. லேபிள் மிக நீண்டு தெரிந்தது. அதன் பிறகு பழைய இடுகைகளையெல்லாம் எடிட் பகுதிக்கு சென்று லேபிளை ஒரு குறிப்பிட்ட வரிசைக்குள் வருமாறு மாற்றிவிட்டேன். இப்போது பார்ப்பவர்களுக்கு கண்களை உறுத்தாமல் தெளிவாக இருக்கும்.

இப்படி மாற்றுவதன் மூலம் எந்தவித பாதிப்பும் உண்டாகாது. நீங்கள் இடுகைகளின் லேபிளை மாற்றும்போது தேதியை ஒன்றும் செய்யாமல் லேபிளை மட்டும் மாற்றிவிட்டு பப்ளிஷ் செய்தால் போதும்.நாம் முன்பு இடுகை இட்ட தேதிகளிலேயே வெளியாகும்.

புதிய இடுகைகள் இடும்போது இதை எந்த வரிசையின் கீழ் கொண்டு வரலாம் என்பதற்கு அந்த இடுகைப் பெட்டியின் அருகில் இருக்கும் Show all என்பதை க்ளிக் செய்து பார்த்துக் கொள்ளலாம்.

தமிழ்மணம் திரட்டி பல தலைப்புகளின் கீழ் நமது இடுகைகளை திரட்டுகிறது. என்றாலும் பெரும்பான்மையாக- நகைச்சுவை- மொக்கை/நையாண்டி, அரசியல்/சமூகம், அனுபவம்/நிகழ்வுகள், கவிதை/சிறுகதை, திரைப்படம்/விமர்சனம், சமையல்குறிப்பு/சமையல் போன்ற தலைப்புகள் இட்டால் முகப்பு பக்கத்தில் அதன் தலைப்புகளில் தெரியும். படிப்பவர்கள் எளிதில் தொடர்பு கொள்ள வசதியாகவும் இருக்கும்.

இந்த இடுகை உங்களுக்கு சிறிதளவேணும் பயனுள்ளதாக இருக்கும் என்று நம்புகிறேன். தங்கள் கருத்துக்களை தெரிவிக்க மறக்காதீர்கள்.

வாரா வாரம் திங்கட்கிழமை பதிவர்கள் தாங்கள் கற்றுக் கொண்ட தொழில்நுட்ப செய்திகள், அல்லது எளிய ஆலோசனைகளை இந்த வலைத்தளம் மூலம் பகிர்ந்து கொள்ளலாம். விருப்பம் இருந்தால் தங்கள் மெயில் முகவரியை பின்னூட்டத்தில் அல்லது என் தொலைபேசிக்கு எஸ்.எம்.எஸ் செய்யுங்கள்.

சில பிளாக்குகளை படிக்க முடியவில்லையே ஏன்?

2009-08-26T03:52:00.000-07:00

கீழே உள்ள வலைத்தளத்தின் படத்தைப் பாருங்கள். எழுத்துருக்கள் படிக்க முடியாமல் காட்சியளிக்கிறதா?

இதுபோல் சில வலைத்தளத்தை சில பிரவுசர்களில் படிக்க முடியாமல் இருக்கும். இதன்லேயே பல வலைத்தளங்களுக்கு சென்றுவிட்டு படிக்க முடியாததால் திரும்பி இருக்கிறேன். இதற்கு தீர்வு எதுவும் உண்டா என்று எனக்கு தெரிந்தவரையில் நோண்டிப் பார்த்தேன்.
சில வலைத்தளங்களில் கருத்துரைகளை (Comments) க்ளிக் செய்து ஓப்பன் ஆகும் விண்டோவில் அசல் இடுகையை காண்பி (Show Original Post) என்பதை க்ளிக் செய்து படிப்பேன். சில வலைத்தளங்களில் Settings-ல் Comments- பகுதியில் Embedded below post என்று தேர்வு செய்திருப்பார்கள். அதனால் மேற்சொன்ன முறையில் படிக்க முடியாது போய்விடுகிறது. அதே போல்தான் Pop-up window முறையை தேர்ந்தெடுத்திருந்தாலும் படிக்க முடியாது. எனவே Full page என்ற முறையை தேர்ந்தெடுங்கள்.
எனக்கு தெரிந்து மற்றொரு முறை... லேவுட் பகுதிக்கு செல்லுங்கள். Fonts and Colors என்ற ஆப்சனை க்ளிக் செய்யுங்கள். அதில் சைடில் தெரியும் பாக்ஸில் Text Font -ஐ க்ளிக் செய்தால் கீழே உள்ள படத்தைப் போல தொன்றும்.

அதில் நான் ‘டிக்’ செய்திருக்கும் Arial அல்லது Verdana என்பதை ‘டிக்’ செய்திடுங்கள். பின்பு சேவ் செய்திடுங்கள்.இப்போது அனைத்து ப்ரவுசர்களிலும் உங்கள் வலைத்தளத்தினை படிக்க முடியும்.

படித்துவிட்டு தங்கள் கருத்துக்களை மறக்காமல் பின்னூட்டம் இடுங்கள். தங்களுக்கு வேறு ஏதேனும் சந்தேகம் இருப்பினும் அதையும் தெரிவியுங்கள்.

பாலோவர் விட்ஜெட் இல்லாத வலைப்பதிவுகளுக்கும் பாலோவர் ஆவதெப்படி?

2009-08-25T16:55:00.000-07:00

புதிதாக வலைப்பதிவுகள் தொடங்கும்போது பாலோவர் விட்ஜெட் அமைக்க முடியவில்லை. விட்ஜெட் சென்றால் சோதனை முயற்சிகளில் உள்ளது என்பது மாதிரியான பதில் வருகிறது. அல்லது சில பதிவர்கள் இந்த விட்ஜெட்டை அமைக்காமல் இருக்கிறார்கள். நமக்கு அந்த வலைப்பதிவுகளை தொடர்ந்து படிக்க ஆவல். அப்போ நமக்கு பிடித்த அந்த வலைப் பக்கங்களுக்கு பாலோவர் ஆக முடியாதா?

எதற்குமே மனமிருந்தால் மார்க்கம் (வழி) உண்டு. அதுபோலவே பாலோவர் பிரச்சினைக்கும் வழி உண்டு.

உங்கள் நண்பரின் பதிவை தவற விடுபவரா நீங்கள்? என்ற எனது முந்திய இடுகையை பாருங்கள். அதில் கீழ்க்காணும் படம் வரை உள்ளதுபடி செய்யுங்கள்.

படத்தில் வட்டமிட்டு காணப்படும் கட்டத்தில் நீங்கள் பாலோவராக விரும்பும் வலைப்பக்கங்களின் முகவரியை (URL) கொடுத்து சேவ் செய்யுங்கள். இப்போது உங்கள் விருப்பமான வலைப்பக்கங்கள் உங்கள் வரிசைப்பட்டியலில் வந்து சேர்ந்திருக்கும்.

அப்புறம் என்ன ஜமாய்க்க வேண்டியதுதானே!

உங்கள் நண்பரின் பதிவை தவற விடுபவரா நீங்கள்?

2009-08-24T21:42:00.000-07:00

'கற்றது கை மண்ணளவு' அப்படின்னு சொல்வாங்க. வலைத்தளம் ஆரம்பித்த புதிதில் கண்ணைக்கட்டி காற்றில் விட்டது போலிருந்தது. வலைத்தளம் ஆரம்பிக்கவே நிறைய பயிற்சிகள் செய்தேன் என்பது வேறு விசயம். பின்பு பலரின் வலைத்தளங்களுக்கு சென்று பல புதிய விடயங்களை கற்றுக் கொண்டேன். அதுபோல் எனக்கு தெரிந்ததை இங்கு உங்களுக்கு சொல்கிறேன். இது பலருக்கும் தெரிந்திருக்கலாம். அவர்களுக்காக அல்ல... என்னைப்போல் அறிந்துகொள்ள ஆர்வமுள்ள, ஆனால் வழி தெரியாதவர்களுக்காகவே இப்பதிவு!

விரும்பி வாசிக்கும் சில வலைத்தளத்திற்கு நீ்ங்கள் பாலோவராகவும் ஆகியிருப்பீர்கள். அப்படி ஆகியிருப்பவர்கள், அவர்களின் வலைத்தளத்தில் புதிய பதிவு போடுவதை எப்படி அறிவீர்கள்?

அவரின் வலைத்தளத்திற்கு சென்று பார்போம்! இதென்ன புதுசா கேட்கிறே?என்று என்னை முறைக்காதீர்கள்!அவர்களின் வலைதளத்திற்கு சென்றுதான் பார்ப்பேன் என்பது உங்கள் பதிலாக இருக்குமென்றால், இனி அந்த வழக்கத்தை மாற்றிக் கொள்ளுங்கள். தினந்தோறும் உங்கள் வலைத்தளத்திற்கு தவறாது வருகை புரிவீர்கள் தானே அப்புறமென்ன!உங்கள் வலைத்திலிருந்தே (அங்கு சென்று பார்க்காமலேயே) புதிய பதிவு போடப்பட்டிருக்கிறதா? என்பைத அறிய எளிய வழி உள்ளது.

முதலில் உங்கள் வலைத்தளத்திற்கு சென்று, டேஸ்போர்டை திறந்துகொள்ளுங்கள். ஆட்கெஜட் பகுதியை கிளிக் செய்க. அதில், பிளாக் லிஸ்ட் என்பதில் க்ளிக் செய்க.
தோன்றும் பகுதியில் தலைப்பில் உங்களுக்கு விருப்பமான தலைப்பை (உ.தா= நண்பர்களின் வலைத்தளம்) கொடுத்து, அதில் கேட்கப்பட்டிருப்பதில் உங்களுக்கு விருப்பமான ஆப்சனை தேர்ந்தெடுத்துக்கொண்டு, ஆட்லிஸ்ட் என்பதை க்ளிக் செய்யு்ஙகள்.

கீழே உள்ளதுபோல் தோன்றும். அதில் நான் பின்தொடரும் அனைத்தும் என்பதை க்ளிக் செய்யுங்கள்.

பின்பு ஆட் செய்யுங்கள். அதன்பிறகு கேட்கும் கேள்விகள் உங்கள் விருப்பத்திற்கு மாற்றம் செய்து கொள்ளுங்கள்.

பிறகு சேவ் செய்க. பிறகு லேவுட் பகுதி தோன்றும். அங்கு சேவ் செய்துகொண்டு, உங்கள் வலைதளத்திற்கு சென்று பாருங்கள்.

இப்போது உங்கள் விருப்பமானவர்களின் வலைதளத்ததில் ஒரு புதிய பதிவு இடப்பட்டால் உங்கள் வலைத்தளத்திலிருந்து பார்த்து, உடன் அந்த தளத்தை க்ளிக் செய்து உடன் பின்னூட்டமிட்டு கலக்கலாம். தவறவிடமாட்டீர்கள், இனி!

உங்கள் நண்பரும் மகிழ்வார்!

இதற்கு பின்னூட்டமிட மறந்துவிடாதீர்கள்!

இந்த இடுகையும் இலக்கியாவிலிருந்து உங்களுக்காக மீள் பதிவிடப்பட்டது.

எமது அடுத்த இடுகை- பாலோவர் இல்லாத வலைப்பக்கங்களிலும் பாலோவர் ஆகலாம்.

வலைத்தளத்தில் கவிதை எழுத நான்பட்டபாடு!

2009-08-23T05:18:00.000-07:00

முதன் முதலில் வலைப்பதிவர் பட்டறையில் கலந்துகொண்டபோதுதான் இப்படி நமக்கே நமக்கென்று ஒரு வலைப்பதிவை தொடங்கலாம், நமது எண்ணங்களை, கருத்துக்களை, படைப்புக்களை உலகம் முழுவதும் கொண்டு செல்ல, நட்பை வளர்க்க மிகப்பெரிய வாய்ப்புண்டு என்று உணர்ந்தேன்.

எனக்கென்று ஒரு வலைப்பதிவை உருவாக்கியவுடன் முதல் இடுகை கவிதையாக இருக்க வேண்டுமென்று நினைத்தேன். அதன்படி கவிதையை நோட்பேடில் டைப் செய்து காப்பி செய்து எடுத்துக்கொண்டு இணைய மையத்திற்கு சென்றேன். இடுகை இட்டபின் அது கவிதையாக இல்லாமல் பாரா கிராபாகவே எடுத்துக்கொண்டது.

சரி என்று தேவைப்படும் இடத்தில் கர்சரை வைத்து என்டர் தட்டினேன். ஒரு வரிக்கும் அடுத்த வரிக்கும் இடையே இடைவெளி அதிகமாகி கவிதை வெளியிடும் என் ஆசையை தடுத்தது. நானும் பலமுறை முயற்சி செய்தேன். முடியவில்லை. வலைத்தளத்திற்கு புதியவன் என்பதால் தெரிந்தவர்கள் அதிகமில்லை. எனக்கு தெரிந்த சில நண்பர்களிடம் கேட்டதற்கு எங்களுக்கு அப்படி எதுவும் ஆகவில்லை என்றார்கள். அப்ப இந்த கொடுமை நமக்கு மட்டும்தானா? இதை எப்படி தீர்ப்பது என்ற குழப்பத்திலேயே இருந்தேன்.

இதற்கிடையில் பதிவர் சந்திப்பு (டிசம்பர்27, 2008) தி.நகர். நேடசன் பூங்காவில் நடைபெறும் என்ற அறிவிப்பு ஆதிசாவின் வலைப்பதிவின் மூலம் தெரிந்து கொண்டு அங்கு சென்றேன். நான் செல்லும் முன்பே சந்திப்பு நிகழ்ச்சி ஆரம்பித்துவிட்டதால் என்னை அறிமுகப்படுத்திக்கொள்ள முடியாமல் அமைதியாக நிகழ்ச்சிகளை கவனித்துக் கொண்டிருந்தேன்.

என்னருகே அமர்ந்திருந்த ஒருவர்(கார்க்கி என்று பின்பு விசாரித்து தெரிந்து கொண்டேன்) என்னிடம் மெல்ல பேச்சு கொடுத்தார். அவரிடம் என்னை அறிமுகப்படுத்திக்கொண்டு, அவரிடம் என் பிரச்சனையை சொன்னேன். அவர் 'தமிழ் எழுதி' கொண்டு எழுதினால் இந்தப்பிரச்சனை வராது என்றார்.

சரி, ஒரு புதிய ஐடியா கிடைத்திருக்கிறது என்று சந்தோசமாக சென்றேன். ஆனால் எனக்கு இதிலும் தோல்வியே! சரி இனியும் பொறுப்பதில் அர்த்தமில்லை நாமே நோண்டிப்பார்த்துவிடுவது என்று முடிவெடுத்தேன். இடுகைப்பெட்டியில் இருக்கும் html திருத்து என்றதன் மேல் கிளிக் செய்தேன். ஏதோ மாற்றம் தெரிந்தது. பிறகு கவிதையில் தேவைப்பட்ட இடத்தில் வைத்து என்டர் தட்ட என் முயற்சி வெற்றி பெற்றது.

இது ஒரு மீள்பதிவு. (இலக்கியாவில் வெளியிடப்பட்டது.)

தற்போது NHM ரைட்டர் மூலம் நேரிடையாகவே கவிதைகள் டைப் செய்து வெளியிடுகிறேன். எந்தப் பிரச்சினையும் இல்லை.

புதிய வலைப்பக்கம் ஏன்?

2009-08-20T03:15:00.000-07:00

வலையுலக தோழர்களுக்கு வணக்கம்.

இதுவரை ‘இலக்கியா’, ‘கவிதைகுரல்’ மூலம் உங்களை சந்தித்து வந்த இந்த குடந்தை அன்புமணி இப்போது ‘தகவல்மலர்’ என்ற புதிய வலைப்பக்கம் மூலமும் சந்திக்கவிருக்கிறேன். வலையுலகிற்கு புதிது புதிதாக பலரும் வந்து கொண்டிருக்கிறார்கள். அப்படி வரும் பலரும் வலையுலகில் அவர்களுக்கு ஏற்படும் சந்தேகங்களை கேட்கிறார்கள். நாமும் அவர்களுக்கு முடிந்தவரையில் உதவி வருகிறோம்.பல இடுகைகளையும் இட்டு விளக்கம் தருகிறோம். அந்த இடுகைகள் எல்லாம் காலப்போக்கில் எங்கிருக்கிறது என்று தெரியாதபடிக்கு நிறைய இடுகைகள் இடுவதால் புதியவர்கள் கேட்கும்போது தேட வேண்டியிருக்கிறது.

இனி அப்படி தேடக்கூடாது. அவர்கள் கேட்கும்போது அவர்களுக்கு கிடைக்க வேண்டும். அவர்கள் சந்தேகங்கள் தீர வேண்டும் என்ற ஆவலில் இந்த வலைப்பதிவை ஆரம்பித்துள்ளேன்.

வலையுலகம் தொடர்பாக தாங்கள் இதுவரை ஏதேனும் இடுகைகளை இட்டிருப்பின் அதன் லிங்கை தலைப்போடு தரலாம். அதை அனைவரின் பார்வைக்கு படும்படி வெளியிடுகிறேன். அதேபோல் புதிய பதிவர்கள் இங்கு தங்களுக்கு ஏற்படும் இடுகையிடல், புகைப்படம் சேர்த்தல், இடுகைகளை திருத்துதல் போன்ற சந்தேகங்களை கேட்கலாம். அதற்கான விளக்கத்தை நண்பர்கள் தெரிவிப்பார்கள்.

அதோடு வலைப்பதிவர்கள் வலைப்பதிவில் தங்ளுக்கு ஏற்பட்ட சிக்கல்களையும் அதை தாங்கள் தீர்த்த விதத்தையும் இங்கு பகிர்ந்து கொள்ளலாம். அப்படி பகிர்ந்து கொள்ள விரும்புவர்கள் தங்கள் மெயில் முகவரியை தெரிவித்தால் அவர்களுக்கு வாய்ப்பு வழங்கப்படும்.
வழக்கம்போல் எனது வலைப்பக்கத்திற்கு வருகை தந்து பின்னூட்டம் இட்டு ஆதரிக்கும் நண்பர்கள் இதற்கும் தங்கள் ஆதரவை தர வேண்டுகிறேன்.

ம்! ஆரம்பியுங்கள்!!